J&K-a firfiak nena inbeihnaah sipai 2 an thi

Jammu and Kashmir-a Kupwara-ah nimin zing khan firfiak leh sipaite inkap lehin, sipai pakhat kahhlum a ni.

Firfiak laka beihpui thlak hna kalpui mektu sipaite leh firfiakte hi Thawhlehni khan Line of Control bula Poonch district-ah a lo inkap tawh bawk a, hemi ṭum hian sipai pakhat kahhlum a ni bawk.

Indian Army leh J&K Police-te hian Kupwara-a Kowut area-ah firfiak an awm tih thu an dawn bawhzuiin, ni rei vak lo liam ta aṭang khan firfiakte dap hna hi an thawk a ni.

Army chuan thuchhuah a siamah, 'July 24-ah firfiakte awmna hmun nia hriat an dap laiin, firfiakte hian sipaite hi an rawn pawng kah a ni. Sipaite hian kap let ve nghalin firfiak pakhat kahhlum a ni,' tiin beihpui thlak hna hi kalpui chhunzawm zel a nih thu a tarlang.