NHRC-in MHA, Delhi sorkar leh police-te hriattirna a pe

National Human Rights Commission (NHRC) chuan Delhi khawpuia Kristian-te biak in suasam leh rawk a nih chungchangah Home Minsitry, Delhi sorkar leh Delhi Police-te chu report kimchang thehluh tur leh, pawikhawihna thleng an chhuinaa an dinhmunte sawichiang turin a hriattir.

NRHR hian Home Ministry secretary, Delhi sorkar-a chief secretary leh Delhi Police commissioner-te hnenah Thawhṭanni zinga Vasan Kunj-a St Alphonsa Church suasam a nih dan leh, an chhui dan report chu ni 10 chhunga thehlut turin a hrilh a ni.

Thawhṭanni zing khan St Alphonsa biak in kawngkharte chu hawngin misualte an lut a, Pathian biakna hmanruate an paihdarh a ni. Kohhran hotute chuan he thil thleng hi rukru satliah tih nia an ngaih loh thu sawiin, kar kua chhunga Kristian-te biak-in suasam a nih ṭum nga-na a ni, an ti.