Campaign hun a tawp

February 7-a Assembly inthlan neihna tur Delhi-ah chuan nimin tlai khan campaign hun a tawp ta.

Nimin khan party hrang hrangte chuan campaign-in rally an nei chhunzawm leh a, Prime Minister Narendra Modi chuan South Delhi-a BJP rally neihnaah thu sawiin, BJP chuan hmasawnna tur­in a thawk dawn a ti a, mi retheite chu awmna hmun nghet pek a tiam bawk.

Congress vice president Rahul Gandhi chuan Jahangirpui-a an party rally hmanpuiin Congress party-in sorkarna a chan chuan kum hnih chhungin Delhi chu state puitlinga hlankai a tiam.

AAP chuan tun ṭum inthlanah hian sorkarna siam turin an chak ngei dawn tih an sawi a, AAP sorkar chuan kum nga term chu a hmang tluan dawn a ni, a ti.

BJP chief minister candidate Kiran Bedi chuan Delhi-ah BJP in mipuite rintlak sorkar a siam ngei dawn a ni tiin, Delhi chu nu-in a fa a hmangaih ang maia a hmangaih thu a sawi.

AAP hotu Kejriwal-a chuan an party chu mipui­te tan a thawk zel dawn a ni a ti a, party hruaitu Ashustosh BJP chu vote leina atan sum leh zu semah a puh bawk.

February 7 hian vote thlak a ni ang a, February 10-ah vote tlate hi chhiarin result puan nghal a ni ang.