Bihar CM a bang duh lo

Bihar-a rorellai party, Janata Dal (United) chuan Chief Minister Jitan Ram Manjhi chu CM a nihna aṭanga bang turin an ngen a, mahse CM hi a bang duh lo a, party hruaitute hnenah ban mai turin a ngen.

JD(U) MLA tam zawkin Chief Minister hlui, Nitish Kumar chu CM atana dah leh an duh a, mahse hetihlai hian member ṭhenkhat chuan kumin kum tawp lama Assembly inthlan an hmachhawn dawn avangin inthlan hma chu CM Manjhi hian a hna hi chelh chhunzawm se an duh thung.

Nitish Kumar-a duhtu lam chuan Chief Minister Manjhi hi sawiselna hrang hrang a awm avangin assembly in­thlan neih tur pawh hi CM hlui, Nitish-a hoa an campaign theihna atan CM hi thlak thuai an duh tih an sawi.