Rajnath Singh-a'n biak-in beih a nih dan chhui turin a ti

Union Home Minister Rajnath Singh chuan Delhi Police-te hnenah tun hnaia Delhi khawpui chhunga Kristiante biak-in beih a nih dan chhui chiang a, report siam turin a hriattir.

Ningani khan Delhi-a Kristian awmte chuan biak-in suasam leh beih a nih fo avanga lungawi lohna lantirin kawng an zawh. Ningani vek khan Kristian hotute chuan Home Minister Singh an hmu a, sakhaw hmun pawimawhte beih a nih tawh lohna tura hma laksak turin an ngen.

Home Minister chuan biak-in beihna ṭhenkhat chu chhui tura thupek tih­chhuah a ni tawh tih a sawi. Delhi khawpui chhungah hian thla hnih leh a chanve kalta chhung khan biak-in panga beih leh suasam a ni a, biak-in chhunga sakhaw thil pawimawhte chu tih­chhiat an ni bawk.

Rajnath Singh chuan sorkarin sakhaw behchhan zawnga inbeihnate chu a ngaizam mai dawn lo tih a lo hrilh.

Delhi Police-te hnenah biak-in bakah, sakhaw hmun pawimawh dangte pawh venhimna pe tura rua­hmanna fel tak siam turin minister hian a hrilh bawk.