East Timor PM-in banna a thehlut

East Timor Prime Minister Xanana Gusmao chuan an ram Prseident Taur Matan Ruak hnenah banna a thehlut.

Kum 68 mi, Gusmao hian kum 2002-a Indonesia lak aṭanga East Timor a independent hnu khan President leh Prime Minister hna a chelh tawh a, harsatna tam tak a tawhte a lo paltlangpui tawh a ni. President hian PM banna thehluh hi a pawm dawn leh dawn loh a la sawi lo.

Gusmao hian a hma pawhin PM a nihna aṭanga ban a duh thu hi a lo tilang tawh ṭhin. Tun hnaiah thuneitu ṭhenkhatte'n an ram rorelnaa kum naupang zawkte tana hun remchang siam tura an nawr nasat avangin banna hi a thehlut ta nia sawi a ni.

Indonesia awpna lak aṭanga zalen a, independent an sual lai pawhin Gusmao hian Revolutionary Front military wing a ho ṭhin. Independent an sual lai hian man a ni a, Jakarta-ah tantir niin tan-in aṭang pawh hian an theihtawpin a bei chhunzawm zel a ni. Kum 1999-a Timor a independent hnu khan Gusmao hi an ramah kirin President thlanna neih hmasak ber, kum 2002 khan President atan thlan tlin a ni a, kum 2007 khan Prime Minister atan thlan leh a ni.