Ruahsur nasain Mumbai khawpui a tibuai

Mumbai khawpui leh a chhehvelah ruah sur avangin nimin khan khawpui chhungah tui a tling nasa hle a, traffic a tibuaiin rel tlan tur pawh a tibahhlah phah hle a, flight eng emaw zat tihkhawtlai a ni bawk.

Khawpui tana tui supply-tu, dil pasarih zinga pahnihah tui a lian nasa hle a, hei hian Sion, Chembur leh Adheri te a nghawng a ni. Weather office chuan tukin lam thlengin Mumbai-ah hian ruah nasa takin a la sur chhunzawm dawn niin an sawi.

Mumbai bakah Maharashtra state hmun dangah pawh ruah sur vangin harsatna an tawk a, Thane-a hmun eng emaw zat chu tui tling nasa takin a tibuai mek a ni. Pune-a residential complex tam tak chu tuiin a chim a, Pune-ah hian tuia electric kalin a man vangin mi pathum an thi.

Maharashtra chief minister Eknath Shinde chuan sorkar chuan thil awmdan chu a ngaihven reng tih sawiin, a ṭul huna che chhuak turin chhanchhuah hna thawktu, NDRF leh SDRF pawh hriattir lawk vek an ni, a ti. Army lam pawh an biak thu a sawi a, an mamawh chuan an puihna pawh hi an ngen dawn tih a sawi. "Thil awmdan uluk takin keimah ngei pawhin ka thlithlai reng a ni. Mumbai mipuite chu a ṭul tawpah lo chuan in chhuahsan lo turin a ngen a ni," a ti.