President Murmu-i'n Class 9 zirlaite a zirtir

President Droupadi Murmu chuan nimin khan Delhi-a Dr Rajendra Prasad Kendriya Vidyalaya a tlawh a, Class 9 zirlaite bulah climate change chungchang a zirtir a, tui renchem leh thing ṭiak phun uar a ṭul thute a hrilh.

"Thing tam zawk kan phun a ngai a, awmze nei loa tui riral mai maite kan tihtlem a, ruahtui kan khawl ṭhat a pawimawh a ni," tiin, boruak bawlhhlawh chungchang leh a tihziawm theih dante a sawipui bawk.

President hian zirlaite chu an thil tum leh an subject nuam tihzawngte a zawt bawk. Prime minister Narendra Modi hmalakna, 'Ed Ped Maa Ke Naam' chungchang chu zirlaite hrilhin, an pianchamah thing ṭiak phun ṭheuh turin a chah. Zirlaite chu an bula hun hman nuam a tih thu hrilhin, an hnen aṭangin thil tam tak a zir tih a sawi a ni.