Parliament Session-ah member-te in aubuai leh

Lok Sabha leh Rajya Sabha rorel inkhawm chu nimin khan chhunzawm a ni a, mahse member-te aubuai avangin inkhawm pawh titawp lailawk a ni ve ve a ni.

Rajya Sabha-ah eptu member-ten MUDA scam chungchang sawi ho an phutna hnawlsak an nih laiin, Zero Hour-ah hemi chungchang hi BJP MP in a sawi chhuah phalsak a ni thung. Hei vang hian eptu member-te lungawi loin, an aubuai a ni.

Lok Sabha-ah pawh West Bengal ṭhen tumna nia sawi leh, Karnataka sorkar minister pakhat dik lo taka thil tihnaa inhnamhnawiha puh a nih chungchangah chawhma lam chu eptu leh rorel lai member te an inaubuai bawk.

Ningani pawh khan Union Budget 2024-25 sawi honaah Parliament in hnihah ṭum eng emaw zat an inaubuai bawk a ni. Eptute chuan budget-ah Andhra Pradesh leh Bihar duhsakna lantir nasa bikah an puh a, Rajya Sabha-ah pawh budget thar hian mi rethei, tribal leh hmeichhiate hamṭhatna tur a ngaihthah niin an sawi.