SC-in Kerala leh West Bengal Governor-te hriattirna pe

Supreme Court chuan Kerala leh West Bengal Gveornor-te chu bill tifel duh lo leh tikhawtlaia puh an nih chungchangah insawifiah turin hriattirna a pe. Sorkar laipui pawh hemi kaihhnawihah hian hriattirna pek a ni bawk.

Kerala leh West Bengal sorkar chuan an state governor-te hi State Legislative Assembly-in a pass tawh bill te pawmpuina pe duh lo a, lo tikhawtlaia puhin Supreme Court-ah hian petition an thehlut a ni.

State pahnihte petition hi Chief Justice of India DY Chandrachud leh justice pahnih - JB Pardiwala leh Manoj Misra awmna bench chuan a ngaihtuah a, uluk zawka lo zirchian pawh an remti bawk.

Court chuan Kerala leh West Bengal Governor bakah sorkar laipui chu state sorkar pahnihten an puhna chungchang chhanna chu kar thum chhung ngeia thehlut turin a ti a ni.