Sorkar laipuiin Naidu-a dilna a hnawl

Sorkar laipui chuan Andhra Pradesh Chief Minister Chandrababu Naidu-a'n an state-a world class capital siamna tura ṭanpuina, cheng vaibelchhe 20,000 pe tura a dilna chu a hnawlsak.

NDA sorkar chuan khawpui thar siamna tura AP CM-in sum a dil ang hi a nei lo tih sawiin, hmun pawimawh assembly leh secretariat-te sakna tur erawh chu a pek theih tur thu a sawi.

CM dilna chungchang a chhannaah, sorkar laipui chuan, "Khawpui thar sak ngai pawimawhte list chu min pe ula, chung ami tur chu fund kan lo pe ang. AP-in cheng vaibelchhe 20,000 pe chhuak tura min ngenna erawh chu sum dinhmun ngaihtuahin a theih loh a ni," a ti.