"Mann Ki Baat' ah zirlai leh board exam chungchang sawi dawn

Prime Minister Narendra Modi-a'n thla tina radio-a program a hman, 'Maan Ki Baat' February program chu zirlaite, board exam leh competitive exam dang bei tura inbuatsaihte pual tur a ni ang.

PM hian a twitter-ah hemi chungchang hi sawilangin, "Tun thla radio program chu exam tura inbuatsaih zirlaite puala hman ka tum a ni," a ti. Zirlaite leh zirtirtute chu exam bei turte chawhphurna tura an thil tawnhriat neihte share turin a sawm nghal bawk.

Tun thlaa Maan Ki Baat program neih tur hi a episode panga-na tur a ni a, nikum October thla aṭang khan he program hi kalpui ṭan a ni a, rampum huapa faina beihpui thlak chung­chang te, India rama ruihhlo ngawlvei pung chak leh black money chungchangte a lo sawi tawh a ni.