Rajnath Singh-a'n Naxal hluarna state CM-te meeting a neihpui

Union Home Minister Rajnath Singh chuan nimin khan Naxal hel hluarna state pali - Chhattisgarh, Maharashtra, Telangana leh Odisha Chief Minister-te chu meeting a neih pui a, helho beihlet dan tur an sawiho.

Meeting-ah hian helho in ramri kaltlanga state hran hran an kalkual ṭhin venna tura state police leh paramilitary force-te thawhho dan turte an sawiho bawk.

Chhattisgarh chhim tawp, Maharashtra, Telangana leh Odisha nena an inri-na bula Bastar bial chu Naxal ho hmunpui nia sawi a ni a, helai bial hi ramngaw chhah tak awmna niin helho hian bihrukna atana an hman ber a ni. Tun hnaiah helho pawikhawihna avanga thi pawh Bastar bial-ah hian an tam ber a ni.

Nimina meeting-ah hian state pali-a DGP te bakah paramilitary force hotute leh Home ministry official-te pawh an tel.