Pulwama attack : NIA-in JeM hotu Masood Azhar lakah thubuai thehlut

National Investigation Agency (NIA) chuan nimin khan kum 2019 February thlaa Pulwama-a security force convoy thihchilh bomb hmanga beih a nih chungchangah nimin khan thubuai a ziak lut. 

Thubuai thehluhah hian Jaish-e-Mohammad (JeM) hotu Masood Azhar, a unaupa Abdul Rauf Asghar, thihchilh bomb tipuaktu Adil Ahmed Dar leh Pakistan-a firfiak commander ṭhenkhat hming tarlan a ni. 

Nikum February thlaa Pulwama-a security convoy beihnaah hian sipai 40  an thi a ni. He pawikhawihna thleng kaihhnawihah hian NIA chuan mi paruk a man tawh bawk.