Nirav Modi nupui lakah Red Corner Notice tichhuak
Interpol chuan Nirav Modi nupui, Ami Wodi lakah nimin khan international arrest warrant, Red Corner Notice a tichhuak. He hriattirna hi India rama sum tichingpena puhna thubuai a neih mek behchhana siam a ni.
Nikum February thla khan Enforcement Directorate chuan Ami Modi hi New York-a apartment pahnih, US dollar maktaduai 30 man lei chungchangah chargesheet an lo siamsak tawh bawk. Heng apartment-te hi ram danga Modi-te chhungkaw thil neih, cheng vaibelchhe 637 hu an hreksak mek zingah a tel a, London-a flat pakhat, cheng vaibelchhe 56.97 pawh a tel.
Nirav Modi leh a pu Mehul Choksi-te chu Punjah National Bank-a sum tam tham tak tihchingpentuah puh an ni a, Central Bureau of Investigatoin chuan an chhui mek a ni. Thubuai siamsak an nih hma, kum 2018 kum tir lam khan an pahnih hian India ram an chhuahsan a ni. Nirav Modi hi nikum khan London-ah man niin Wandsworth Prison-ah a tang mek. Mehul Choksi hi Antigua ramah awmin, khua leh tui nihna pawh a nei tawh a ni.