Delhi mipuite tana AAP thutiamte

Delhi sorkar thar siamtu tur, AAP-in inthlan dawna Delhi mipuite hnena a thutiam zinga ṭhenkhat chu -

Sorkar an siam veleh eiruk dona tur, Jan Lokpal Bill siam. He bill hmang hian eiruknaa inhnamhnawiha puhte chu chhuichian leh thubuai siamsak theih an ni ang.

Mipuite hnena thuneihna pek a nih theihna atan Swaraj Bill siam.

State puitlinga Delhi hlankai a nih theihna atan AAP chuan theihtawpa a beih tur thu a sawi.

Electric hman man a zahvea tihhniam. Hei bakah hian CAG chu audit tura ngen a tiam bawk. AAP hian consumer-te chu electricity provider an duh thlantir a tiam a, hei hian provider-te zingah service pe ṭha zawk nih tum leh, man tlawm zawka hman tir tuma inelna ṭha a siam phah dawn tih an sawi.

Education, tourism, trade leh service sector hmunpuia Delhi siam

Delhi chu solar city-a siam a, khawpui chhunga vantlang puipunna hmuna a thlawna wi-fi pek.

Thla tin Delhi in tinah tui liter 20,000 a thlawna pek

Delhi-ah mirethei te chenna bial­ah inthiarna ek-in nuai 1.5 siam a, vantlang hmun turin public toilet 50,000 siam. Inthiarna siam zinga nuai khat chu hmeichhe pual bik atana tih a ni ang.

Hmeichhiate him nan CCTV nuai 25 vuah

Secondary leh senior secondary tan school thar 500 hawn a, Delhi administration hnuiah college thar 20 din.

Private school fee lak danah kal­phung siamsak a, capitation fee tihbo.

Hna zawngtu ni loa hna petu atana education kalphung her rem

Primary Health Centers (PHCs) thar 900 hawnbelh, Delhi damdawi-in hrang hranga khum 30,000 dahbelh

Delhi sorkar hnathawkte chawlh kum 60-ah dah chhunzawm, housing leh health scheme siamsak

Home guard 10,000 awmna Women’s Security Force din Delhi sorkar hnuaia hnaruak 55,000 hnawhkhah

Old age pension system rintlak tak siam

Delhi chhehvela thing leh ram awlte humhalh

Ruihhlo tawlhruk danchah, pawi­khawihtu hremna na zawk siamsak

Yamuna luia industry bawlhhlawh leh thli paih khap

Generic damdawi hman uar, doctor te venhimna ngaihtuahsak

Man tlawm zawka loneitute hnenah thlai chi leh fertiliser pek

Delhi-ah VAT (chhiah) tihtlem

Mipuite duhdana hmasawnna sum hman a nih theih nan Citizens' Lad Funds siam.