Patna HC-in JDU legislature party hotu thar thlanna pawm lo

Bihar-a rorellai, Janata Dal (United) in state legislature party hotu atana Chief Minister hlui Nitish Kumar an thlanna chu Patna High Court-in a pawmsak lo.

Kumar hi Thawhṭanni khan JDU legislature party hruaitu atan thlan a ni a, hemi hnu hian Bihar Governor Keshari Nath Tripathi hmuin, sorkar thar siam tura thlawptu MLA a ngah tawk thu a hrilh.

JDU hian Chief Minister ṭanglai, Jitan Ram Manjhi-a'n Nitish Kumar tan kawng hawng tura CM aṭanga bang tura an ngenna a pawm loh avang­in an party aṭangin an hnawtchhuak tawh bawk.

Chief Minister Manjhi chuan JD(U) president Sharad Yadav-a'n legislature party hruaitu thlang ṭha tura meeting a koh chu dan kalh a ni, a ti.

Nitish Kumar hian legilature party hruaitu atana thlan anih hnu hian amah thlawptu MLA 130 te chu Raj Bhavan a panpui a, Governor hnenah sorkar a siam theih thu hrilhin, thlawptu a neih leh neih loh hi House-a fiah tir turin a ngen.