Delhi MLA 70 zingah crorepati 44 an awm

Delhi MLA 70 thlan thar zingah hausa tawntaw (crorepati) 44 an awm a, AAP MLA 67 zinga 23 chu thubuai, criminal case neilai an ni. BJP MLA pathum zinga pakhat chu thubuai nei a ni bawk.

MLA atana thlan tharten vote an hmuh zat chawhrual hi 55% a ni.

Deoli biala ding, AAP MLA Prakash chu vote hmu sang ber a ni a, vote tla aṭangn 71% a hmu pha.

MLA tling thar zingah vote hmu tlem ber chu Najafgarh biala AAP candidate, Kailash Gahlot a ni a, vote tla aṭangin 35% a hmu.

MLA tling tharte zinga khingpuite hneh ber chu Vikaspuri biala AAP candidate Mahinder Yadav a ni a, amah hnaih bertu nena an inthlauhna chu vote 77,665 a tling.

Inthlauhna tlem ber chu Najagarh bialah a ni a, AAP candidate Kailash Gahlot chu vote 1555 in a chak a, amah hnaih bertu nena an inthlauhna hi 1% a ni.

Vote thlaknaa duhthlan tur hre lo, NOTA-a thlak 35924 an awm a, hei hi vote tla aṭangin 0.40% a ni.

MLA thlan thar zingah 44 (63%) chu hausa tawntaw, crorepati an ni. Kum 2013 inthlanah khan crorepati hi 51 (73%) an awm.

MLA thar zingah 11 (16%) chu cheng vaibelchhe 10 chuang nei an ni.

2015 assembly inthlana MLA thlan tharte hausakna chu chawhrualin mi pakhatin cheng vaibelchhe 6.29 hu nei ang an ni.

MLA thar zingah 5 te chuan income tax detail an thehlut ve lo.

Kumina MLA thlan thar zingah hian MLA atana thlan nawn mi 22 an awm.

MLA 70 zingah 24 (34%) chu Class XII leh a hnuailam an ni a, graduate leh a chunglam 43 (61%) an awm.

MLA thar zinga 49 (70%) chu kum 25-50 inkar an ni a, kum 50-70 inkar mi 20 (295) an awm bawk.

MLA thar 70 zingah hian hmeichhia 6 (9%) an awm a ni.