PM Modi-a'n BJP CM leh Dy CM-te meeting neihpui

Prime minister Narendra Modi chuan BJP rorelna state-a chief minitser leh deputy chief minister-te chu Inrinni leh nimin khan meeting a neihpui a, sorkar inrelbawlna kaihhnawih hrang hrangte a sawipui.

Ni hnih awh 'Chief Ministers' Conclave' an buatsaihah hian Uttar Pradesh, Madhya Pradesh, Uttarakhand, Chhattisgarh, Haryana, Rajasthan, Odisha, Goa, Assam, Arunachal Pradesh leh Manipur chief minister-te an tel a, union home minister Amit Shah leh BJP national president JP Nadda-ten an telpui bawk.

Kumin February thla khan PM ho hian BJP CM leh Dy CM-te hian meeting an lo nei tawh a, tun ṭuma mi hi Lok Sabha inthlanpui neih zawh leh, Union Budget pharh hnuah meeting an neih lehna hmasa ber a ni. Sorkar laipui leh state sorkar hnuaia scheme an kalpui hrang hrangte sawiin, heng scheme kalpui dan ṭhate an sawi ho a ni.