Air conditioner (AC) lakluh khap

Sorkar laipui chuan Ningani atang khan ramdang atanga air conditioner (AC) lakluh a khap. Hei hi ramchhunga thil siamchhuahte chawilarna leh tihhmasawnna tura a hmalakna kawng khat a ni. 

Ramdang thilsiama innghat lo a, ramchhunga thil siam chhuah hmanga intodelh a nih theihna turin sorkar chuan hma a la mek a, ministry of commerce and industry chuan hei vang hian non-essential electronic goods lakluh chungchangte pawh a ennawn phah a ni. 

Kumin June thlaa  Atma Nirbhar Bharat Abhiyan (self-reliance) chungchanga thu sawiah, prime minister Narendra Modi chuan entirna atan air conditioner hi a lo hmang tawh a ni. PM chuan ramin a mamawh aia 30% a tam air conditioner hi ram dang aṭanga lakluh a nih thu sawiin, hei hi tihtlem thuai a ṭul thu a sawi. 

July thla khan sorkar laipui chuan ramdang aṭanga colour TV set hrang hrang chu lakluh a lo khap tawh bawk a ni.