Bihar-ah pawngsual a hluar

Bihar-ah naupang pawngsual a nih avangin mi tam tak lungawi loin an pungkhawm. Bihar-ah hian pawngsual a hluar hle nia sawi a ni.

Bihar-ah hian puangsual kaihhnawiha chetna hmun hnihah a thleng a, pakhat zawk hi naupang kum 10 mi a ni. He thil thlenna hi Patna aṭanga km 160 vela hla Motihari khuaah a ni a, Police te chuan he thil thlengah hian Pramod Sahni leh Kamal Sahni te chu an man tawh. Heng mite hian naupang hi kidnap-in an pawngsual zui a, a hrawkah an zai bawk. Vanduaina tawk chhungkua hi an khawsak a harsa hle a, thubuai an ziah luh pawh sut leh tura tih an ni a, an tihtawp loh chuan thahah vau an ni. Police te chu he thil thlengah hian an chet chhuah mai loh avangin hian dem an hlawh hle. Bihar-ah vek hian Motihari khuaah tleirawl kum 17 mi chu mipat hmeichhiatna lam hawia mawi lo taka khawih a ni a, kut thlak a ni bawk niin a chhungte chuan an sawi. Hetihlai hian police te chuan he hmeichhe tleirawl hian pawngsual a tawk lo niin an sawi.