Kashmir-ah hel pathum kaphlum

Ningani khan Kashmir-ah sipaiten hel pathum an kaphlum.

18 Rashtriya Rifle te chuan report hel pawl mite an awm tih report an dawn bawhzuiin, Sri Nagar aṭanga km 110-a hlaa awm, Khurhama-a Dobwan ramngaw an hual a, helhote nen hian an inkap ta a ni. Police-ten an sawi dan chuan helte hian sipaite hi an kap lêt a, an zinga pathum chu sipaite hian kaphlumin, an ruang pawh hmuh a ni. Hel pawlte hian AK 47 leh ralthuam dangte an hmangin police te hi an beilet a ni.

Security lamte chuan hel pawlte hi June 15-a sipaite nena inkahnaa lo tel tawh kha an nih mai theih thu an sawi. Nimina inkahnaah hian sipai lamah thi leh hliam an awm leh awm loh puanzar a ni lo.