India-in US aṭangin drone lei a tum

India chuan a thuhnuaia awm chin tuipui ven nan US aṭangin thlawhtheihna, ralkhat aṭanga thunun chi, drone lei a duh a, US hnenah hian dilna a thlen mek.

India-in US aṭanga drone lei dilna a thlen hi US president Obama-a'n India chu defence lam a thawhpui lian berte zinga mi a ni tih a puan hnuah a ni. Tun thla tira prime minister Narendra Modi-a'n US a tlawh khan Barack Obama nena inkawmin, Obama chuan India hi ram venhimna lama a thawhpui lian berte zinga mi a ni tih a puang a ni.

Firfiakten Mumbai an beih khan tuipui aṭangin Mumbai hi an lut a, hetiang chhiatna hi a thlen fo loh nan India hian a hnaih vaukamte venhim nan drone hi a mamawh hle a ni.