Maoist chungchang sawi

Nimin khan home secretary Rajiv Mehrishi kaihhruaina hnuaiah Maoist te chêtna bial chhunga hmasawnnain a tawrh dan chungchang an sawi.

Sawihonaah hian central ministry hrang hranga secretary te leh, Maoist te chêtnain a nghawng state hrang hranga chief secretary-te an tel a, Rajiv Mehrishi hian a kaihruai a ni.

Maoist te hi state pasarih - Chhattisgarh, Jhar-khand, Bihar, Andhra Pradesh, Odisha, Telangana leh Maharashtra huam chhungah te an che a, inhmuhkhawmah hian heng state pasatrih chief secretary te hi an tel a ni. Hei bakah hian central ministry aṭangin Department of Telecom, Road Transport and Highway Ministry, Environment Ministry, Forest Ministry and Health Ministry leh ministry pawimawh dang eng emaw zata secretary te an tel bawk.

"Heng state huam chhungah hian project ṭhahnem tak -kawngpui siam te, mobile tower bun belh te, police station changtlung zawk siamte sorkar laipui chuan a kalpui mek a ni. Heng hmasawnna hnathawh hrang hrangte hi state sorkar kaltlang leh a kaihhnawih programme hrang hrang kaltlangin thawh a ni," tiin home ministry chuan tarlangin, Maoist te avangin duh angin hmasawnna hna an thawk chak thei lo a, chungte avanga hmalak zel dan tur leh kal zel dan turte sawiho a ni.