Flipkart CEO Bansal-an in a lei

Flipkart Chief executive officer (CEO) kum 32 mi Sachin Bansal chuan sq-ft 310,000 zeta zau Koramangala-ah in a lei.

Bansal hi Flipkart dintute zinga mi niin, a ram lei thar bul hnaiah hian a thawhpui dangte pawhin ram an nei nual nia tarlan a ni. A ram leina zat hi cheng vaibelchhe 32 vel nia tarlan a ni a, Bengaluru-a billionaire te awm khawmna hmun a ni. A ṭhenawm hnaiah hian mi hausa tawntaw, Infosys co-founder Nandan Nilekani, Kris Gopalakrishnan, Dr Devi Shetty leh Rajeev Chandrasekhar te pawh an cheng a ni. Flipkart-a sum che vel hi USD tluklehdingawn 15 vel nia chhut a ni a, tun hnaiah USD tld10 velah a tlahniam nia sawi a awm bawk.

Bansal hian 7% vel chanpual a nei nia hriat a ni a, a hausakna belhkhawm hi USD mtd 700 velah ngaih a ni. India ramah hian Napean Sea Road Mumbai, Amrita Shergill Marg New Delhi Bengaluru te hi mi hausa awm khawmna lar an ni.