UP-a sorkar ram dik lo taka neia puh mi 14 man

Uttar Pradesh-a Kanpur hmuna sorkar ram, cheng vaibelchhe 1,000 chuang hu dik lo taka neia puh mi 14 man an ni a, an zingah hian TV journalist pawh a tel.

Police-te chuan Revenue officer leh Samuel Gurudev Singh-ten dik lo taka sorkar ram neih a nih chungchanga complaint an thehlut hnuah mi 14 te man niin, an zingah hian TV journalist Avneesh Dixit pawh a tel a ni, an ti.

District Magistrate (DM) Rakesh Kumar Singh chuan Civil Lines-a sorkar ram, square meter 7,500 vela zau chu Avneesh Dixit leh midang 30 velin dik lo takin anmahni ram angin an lo nei zui niin a sawi. Helai ram hi kum 1884 khan kum 99 chhung atan hman hawh tura pek niin, a hnuah kum 25 thleng pawhsei leh a ni a, hemi hun pawh hi a zo tawh niin a sawi. Hetianga dik lo taka ram neihnaa inhnamnawih dangte pawh man tuma zawn mek an ni tih Singh chuan a sawi bawk.