Kolkata-a Visa Application Centre (VAC) hawng

US Consul General Melinda Pavek chuan Kolkata-a Visa Application Centre (VAC) thar a hawng. VAC hi Pataka House (4th Floor), 57B, Mirza Ghalib Street, Taltala-ah a awm a, July 28 aṭang khan a function nghal a ni. He facility hi July 27, 2024-a khar tak Jasmine Tower-a centre thlakna a ni.

Consul General Pavek chuan, "India nena kan inlaichinna hi a pawimawh a, ram pahnih mipuite inzawmna ṭha tak siam hi a laimu pawimawh a ni," tiin, ram pahnihte inzawmna ṭha leh nghet siam zelna turin kuminah India ram aṭangin khualzin mtd 21.8 chuang US-ah kal tura an beisei thu a sawi. Kum 2023 chhung khan India rama US Embassy leh Consulate-te chuan US visa hi mtd 1.4 a pe chhuak tih a sawi a, heng zinga nuai 7 chu visitor visa a ni.

Kolkata-a VAC thar hawnnaah US Missions in India-a Visas Coordinator Jeffrey Miles pawhin telpuiin, US-a zin duh an pun chhoh zel thu leh, visa dil leh nghah kawnga rei tak nghah ngai ṭhin tiziaawm tura ram chhung hmun hrang hranga consular official-te hna thawh chu a fak thu a sawi.

Center tharah hian a hma mi aiin intake windows a let dawna tam siam niin, hei hi customer-te tan a awlsam phah dawn hle a ni.