UP-a in chimah mi 12 an thi

Uttar Pradesh-a Mu­ghalsarai bialah nimin zing khan in sak thar a chim a, mi 12 an thi a, midang pahnihin hliam an tuar.

In chimna hmun hi Varanasi aṭanga km 30 vela hla, Dulhaipur khua a ni. In hi chhawng hniha sang a ni a, a chim lai hian inah mi 14 an awm.

In neitu hi Kamaruddin a ni a, thi zinga a tam zawk chu in neitu chhungte an ni. In chimna hmunah hian police leh National Response Force team tirh nghal an ni a, hliam tuar pahnihte hi damdawi-in panpui nghal an ni.

District Magistrate NK Singh chuan thi chhungte hi Rs 30,000 ṭheuh pek an nih tur thu a sawi.