Delhi-ah RE-Invest Meet neih a ni

Prime Minister Narendra Modi chuan nimin khan New Delhi-a a ṭum khatna atana Renewable Energy Global Investors Meet (RE-Invest) buatsaih chu a hawng.

PM Modi chuan a kaihhruai sorkar chuan mi rethei zawkte'n an ṭangkaipui theihna turin renewable energy chu a ngai pawimawh dawn tih a sawi a, meet-a tel ram hrang hrang 50-te chu thawhhona ṭha nei turin a chah bawk.

Hmasawnna atana energy pawimawhzia sawiin, PM chuan, "Hmasawnna hi chak taka kalpui kan duh a, hemi atana thil pawimawh tak pakhat chu energy hi a ni," a ti.

Gujarat Chief Minister a nih laia water canal chung solar panel an siam dante sawi chhuakin, Modi chuan solar energy chu irrigation pump tihchakna atan, hlawk zawka thlai thar chhuah a nih theihna atan a ṭangkai a ni, a ti. "Renewable energy hi mi rethei zawkte in tihen a, an nun thlak danglam sakna atan hman ṭangkai kan tum a ni," tiin a sawi.

Ni thum awh tur RE-Invest meet-ah hian ram 45 aṭangin palai 2500 chuang an tel ang.