Pakistan-in sangha mantu 172 a chhuah

Prime Minister Narendra Modi-a'n India leh Pakistan-in high-level contact an neihte chhunzawm leh an tum thu a sawi hnu aṭanga ni hnih hnu, Pathianni khan Pakistan chuan India mi sangha mantu 172-te a chhuah.

Malir Jail Superintendent, Muhammad Sehto chuan tangte chhuahna tur thupek hi dawnga an chhuah thu a sawi a, tang chhuakte hian rel-in Wagah an pan dawn tih a sawi.

Sangha mantute hi Arabian Sea-ah ram pahnihte inri-na palzuta Pakistan tuipui china sangha manah puh an ni a, Karachi-a Malir and Landhi District Jail-ah dah an ni. Sehto chuan tang chhuak zinga a tam zawk chu an tan hun tlak tawhte an ni, a ti.