Hnam inbeih khapna dan siam thuai dawn: Home Ministry

Home Ministry chuan a hnam zawnga inbeih khapna dan siam thuai a tum. Home ministry chuan hnam zawnga inbeih leh intihnawmnah chungchang hi Indian Penal Code-ah a telh a tum.

Home ministry in IPC section thar a siam tur­ah hian hnam leh pawl bil member-te ṭawngkam, chetzia leh tharum hmanga beitute chu kum thum thleng lung in tan leh pawisa chawitir theih an ni ang.

Union Minister of State for Home, Kiren Rijiju chuan, "Hnam bil zawnga inhmuhsit leh inbeih khapna hi ram danpuiah pawh a awmsa vek a, mahse huam zau deuh zawkin he section-ah hian siam a ni," a ti. He dan hi hmar­chhak mite pual chauh nilo, India ram pum tana siam a nih tur thu a sawi bawk.

Home Ministry rawtna hi inter-ministerial consultation ah thawn a ni ang a, an ni hian pawmpui la turin Parliament-ah an thlen ve leh ang.