Tualthah thubuaiah Abu Salem thiam loh chantir

Mumbai special court chuan gangster Abu Salem chu kum 1995-a Mumbai-a in sakna lama sumdawng pakhat thah thubuaiah thiam loh a chantir. Salem hi kum 2005 khan Portugal aṭangin India ramah lak a ni a, Mumbai-a Arthur Road Jail-ah dah a ni.

TADA court chuan Salem hi March 1995-a Juhu bungalow pawn lama Pradeep Jain kahhlum a nih naah thiam loh a chantir a, police-te chuan Jain hian an ram zau tak Salem hnenah hian pek a phalloh avangin a kap­hlum ta niin an sawi.

Kum 2005-a India rama lakluh a nih hnuah tun ṭum hi Salem-a in­hnamhnawihna thubuaia thutlukna siam hmasa ber a ni. Salem bakah hian in sakna lama sumdawn, Virendra Jhamb leh Mehndi Hassan-te pawh thiam loh chantir an ni bawk. An thubuai hi kum 2008 aṭang khan ngaihtuah ṭan a ni a, thuhretu mi 25 vel thu zawhfiah an ni.

Salem hi kum 1993-a Mumbai-a bomb tihpuahnaa inhnamhnawiha puh a ni bawk.