Delhi CM-in Janta Darbar a buatsaih leh dawn

Delhi Chief Minister thar, Arvind Kejriwal chuan mipuite nena indawrna turin Janta Darbar (public meeting) chu kar khata ṭum thum buatsaih a tum.

Janta Darbar hi rorellai, Aam Aadmi Party (AAP) office, Kaushambi-ah Nilaini, Ningani leh Zirtawpni hian chawhma dar 10-11 inkarah neih ṭhin a ni ang.

Nikuma AAP-in sor­karna a siam ṭum pawh khan Janta Darbar hi neih a lo ni tawh a, a hmasa ber chu January 11, 2014 khan Delhi Secretariat-ah neih a ni a, mahse mipuite pungkhawm an tam lutuk avangin an innek buai a, security force-te'n Kejriwl hi hmun dangah an hruaichhuak a ni. He thil thleng vang hian Kejriwal pawhin mipuite hnenah ngaihdam a dil a, "Ka inthiarfihlim mai loh chuan mipui inpawngnekna thlengin buaina nasa a chhuah a hlauhthawnawm a ni. Ruahmanna fel zawk nen neih a ni tawh ang," tiin a sawi.

Janta Darbar hi AAP-in a tihtur a sawilar zing­a pakhat a ni a, hemi hmang hian AAP sorkar chuan Delhi khawpui chhunga chengte nena inkawmna hun neiin, an mamawh leh harsatna neihte a ngaihthlak sak ṭhin dawn a ni.

An sorkar hmasak ṭuma Janta Darbar buatsaiha mipui innek buaina ang kha a thlen nawn tawh lohna turin rua­hmanna felfai zawk­a siam an tum thu sorkar official chuan a sawi.