LS Speaker-in party hruaitute meeting a neihpui dawn

Lok Sabha Speaker Sumitra Mahajan chuan Parliament budget ses­sion neih tur chu tluang taka boruak ṭha tak hnuai­a kalpui a nih theih­na turin February 22 hian political party hrang hrang hruaitute meeting a neihpui dawn.

Parliament budget session hi February 23 hian ṭanin May 8 tleng a awh ang.

Session-ah hian Prime Minister Narendra Modi-a kaihhruai NDA sorkarin a vawikhatna atan budget puitling a pharh dawn a, sorkar hian tun hnaia ordinance siam parukte chu bill-a siam turin a pu lut bawk dawn a ni. Ordinance te hi coal, mines & minerals, e-rickshaws, amendment to Citizenship Act, Land Acquisition leh FDI-a insurance sector te an ni.

Budget session ṭan ni hian President Pranab Mukherjee chuan Central Hall-ah Parliament in hnih ṭhukhawm hmaah thu a sawi dawn a, chawhma dar 11-ah ṭan a ni ang.