Asia rama air show lian ber 'Aero India' ṭan a ni
Asia khawmuala air show lian ber, 'Aero India' chu nimin khan Bengaluru-ah ṭan a ni.
Ni 10 awh tur, Aero India 10th edition hi Prime Minister Narendra Modi-a'n a hawng a, PM zingah he event hawntu pahnihna a ni. Kum 1996 khan HD Deve Gowda chuan a lo hawng tawh bawk.
Aero India-ah hian foreign firm 300 chuang leh, ram hrang hranga high-level delegation 54 in an tel tur thu an tichiang tawh a, India rama air show buatsaih tawhah a lian bera ngaih a ni.
US chuan company 64 rawn thawhin, a thawh tam ber a, France-in company 8, UK-in 48, Russia 41, Israel 25 leh Germany-in company 17 an rawn thawh bawk.
Foreign military aircraft 11 pholan tur zingah hian pasarih chu America ta niin chungte chu- F-15C Eagles pahnih, F-16C Fighting Falcons pahnih, Boeing KC-135 tanker pakhat, C-17 Goblemaster III pakhat leh P-8A Poseidon maritime surveillance aircraft pakhat an ni. France aṭanga rawn tirh, Rafale fighter pathumte an tel bawk ang.
Flight display neih turah India Light Combat Aircraft 'Tejas' pawh a tel dawn niin Defence Research and Development Organisation official-te chuan an sawi.