H1N1 vanga thi an punbelh zel

Ramchhunga swine flu leng mek, H1N1 flu vanga thi an punbelh zel a, nimin tlheng khan he hri leng vang hian mi 663 an thi tawh a, a hri veitu mi 10,000 chuang an awm tawh bawk.

Rajasthan, Gujarat leh Madhya Pradesh-te chu hri len zualna state a ni a, Uttar Pradesh, Punjab, Telangana leh Haryana-ah pawh swine flu vanga thi an awm tawh bakah, Nagaland-ah pawh hri vei hi hmuh­chhuah a ni.

Health ministry chuan Telangana, Gujarat leh Rajasthan-ah expert team a tir tawh a, Madhya Pradesh leh Maharashtra-ah pawh tirh an ni dawn bawk. Ministry chuan swine flu hluarna bial, a veitute kum zat, vei awlsam bik nia langte zirchiang turin state hrang hrangte a ngen bawk.

Delhi sorkar pawhin private medical lab zawng zawng hnenah swine flu test manah Rs 4,500 aia tam la lo tur­in a hriattir. Khawpuia private lab ṭhenkhatte'n swine flu test man hi man to takin an la ṭhin nia sawi a ni.