Delhi Police chungchangah eptu pawl dangte'n AAP thlawp

Karleha ṭan tur, Parliament budget session neih tur thlira Parliamentary Standing Committee on Home Affairs meeting neihah, eptu pawl hrang hrang- Congress, Trinamool Congress, Samajwadi leh Left Party-te chuan Delhi-a rorellai, Aam Aadmi Party (AAP)-in Delhi sorkar kuta Delhi Police-te dah tura a phutna chu an thlawp thu an sawi.

Meeting-ah hian eptute chuan tun hnaia chi leh sakhaw bil inbeihna thleng ṭhinte an sawi­chhuak a, nikum December thlaa Dilshah Garden-a Kristian-te biak-in hal chungchangah tun thlengin Delhi Police-te chuan action an la lo niin an sawi. Parliament session-ah pawh chi/sakhua inbeihna thleng chung­chang hi eptu lam chuan sawichhuah ngei an tum.

Arvind Kejriwal-a kaihhruai AAP-in sor­karna a chan hnua state puitlinga Delhi hlangkai tura sorkar laipui a nawr­na chu eptu pawl dangte pawhin an thlawp bawk.