PM-in 'Soil Health Card' scheme a hawng

Prime Minister Narendra Modi chuan nimin khan Rajasthan-a Suratgarh khuaah centrally sponspored 'Soil Health Card' (SHC) scheme a hawng. Hawnna inkhawmah hian state eng emaw zat aṭangin chief minister leh agriculture minister-te an tel.

SHC scheme hi loneitute'n leichi, a hman dan tur dik tak an hman aṭanga thlai tharte a lo pun zawk theihna tura puihna tur a ni. Rajasthan Agriculture Minister Prabhu Lal Saini chuan card-ah loneitute'n leilung awmdan leh a thlai a zira leichi an hman dan tur hriattirna te telh vek a ni, a ti.