Sorkar laipuiin an headquarters chhuahsan turin Congress a hrilh

Sorkar laipui chuan Congress party hnenah hriattirna pein, New Delhi-a 24 Akbar Road-a an headquarters chu chhuahsan turin a hrilh.

Urban Development Ministry-in hriattirna a pekah, Congress party chu bungalow pali- 26, Akbar Road, 5, Raisina Road leh C-II/109, Chanakya Puri amite chhuahsan tur leh, penal fee pe turin a hrilh.

Congress hruaitu leh AICC treasurer Motilal Vohra chuan hriattirna an dawn thu hi sawiin, ministry hnenah pawh chhanna an pe tawh tih a sawi.

Ministry chuan kum 2010, June thla khan Congess party hnenah 9-A, Rouse Avenue-a ram chu pek a ni a, mahse Allotment of Land to Political Parties policy hnuaiah bungalow pali-te chu kum thum hnu, kum 2013 ah chhuahsan tura tih an ni, a ti.

Congress party chuan bungalow-te hi kum thum hman phalsak an nih hnuah, a bak kum thum dang pawh dil phalsak an ni, a ti. Ministry hnenah hian kum thum dang hi hman la phalsak turin an dil nghal a, hei hi ngaihtuah turin Urban Development Minister M Venkaiah Naidu chuan thuneitute a hriattir nghal.