Hazare-a'n lungawilohna lantirna kawngzawh a vailiam

Eirukna dotu, Anna Hazare chuan nimin khan Haryana-ah Land Acquisition Bill duh lohna lantira kawngzawhte a vailiam.

Kawngzawhnaah hian loneitu 12,000- 15,000 vel an tel a, PV Rajagopal-a'n a ho.

Hazare hian Land Acquisition Act, 2013 siam dang­lam a nih dan chu loneitute ngaihthahna a ni tiin, sut leh turin a phut a, a thil phut nawrna atan February 23 leh 24 hian Jantar Mantar-ah nawrh a huaihawt dawn bawk. Hazare hian an thil phut hi sorkarin a ngaihsak loh chuan Ramila Ground-ah tiam chin awm loa nawrh huaihawtah a vau bawk.

Anna Hazare chuan Land Acquisition siam danglam a nih hma hian sumdawng liante'n loneitute ram an hmansak dawnin, a ram neitu zinga 70% phalna an neih tlin ngei a ngai a, mahse sorkarin he dan hi siam danglamin a ram neitute remtihna lak ngai ṭhin chu a tihbo sak a ni, a ti. Sorkar thar thiltih dan chu loneitute ngaihthahna a ni tiin, democracy kalphung a ni lo, a ti. Sumdawngte'n loneitute ram an neihsakah chuan kum nga chhunga industry din a nih loh chuan a neitu hmasate hnena pek kir tura tih a ni a, he dan pawh hi sorkar chuan a paihbo bawk niin a sawi.