FM-in land acquisition bill ṭha ti

Union Finance Minister Arun Jaitley chuan land acquisition bill siamṭhatna chu ṭha a tih thu sawiin, bill chu loneitute tana ṭha a tih thu leh bill kaltlangin loneitute'n chhawmdawlna leh zângnadawmna an hmuh theih tur thu a sawi.

Nikum December thla khan Land acquisition bill hi siamṭhain, kalphung ṭhenkhat a tidanglam a ni.

Hetihlai hian loneitute pawl hrang hrangte chuan Inrinni khan Home Minister Rajnath Singh, External Affairs Minister Sushma Swaraj leh Rural Development Minister Chaudhary Birender Singh te New Delhi-ah hmuin bill chungchanga an ngaihdante an thlen a, sorkar chuan loneitute harsatna chu lo ngaihtuahsak a tiam.