Covid 19: Maharashtra-ah hri kai nuai 7 chuang awm tawh
Ministry of Health and Family Welfare-in nimina report an tihchhuahah hri kai hmuh chhuah thar mi 67,151 an awm leh a, hri len ṭantirh aṭanga nimin thleng khan India ramah hri kai 32,34,474 an awm tawh a ni.
Darkar 24 chhungin dama puan 63,173 an awm leh bawk a, hri kai tawh zinga 24,67,758 chu an dam leh tawh a, 7,07,267-in hri an la kai mek. Mi 1,059-in an thihpui leh bawk avangin hri vanga thi hi India ramah mi 59,449 an awm tawh.
Enkawl dam tawh rate hi 76.30% a ni a, thihpui rate 1.84% a ni bawk. Hri kai mek zinga 0.29% chu ventilator nena enkawl an ni a, 2% tling lo deuh ICU-ah an enkawl bawk a, hri kai tam ber erawh dinhmun ngaihtuahawm an ni lo.
Sample nuai 8 chuang endik leh
Indian Council of Medical Research (ICMR) report thar berah darkar 24 chhungin Covid-19 sample 8,23,992 an endik tih an tarlang a, nimin thleng khan sample 3,76,51,512 an endik tawh a ni.
ICMR hian sample endikna atana laboratory pawmpui 1540 an nei tawh a, heng zinga 992 hi sorkar laboratory niin 548 chu private laboratory a ni thung.
Maharashtra-ah nuai 7 chuangin hri an kai tawh
India ram State/UT zinga hri kai tamna ber Maharashtra-ah chuan nimin khan hri kai hmuh chhuah thar 10,425 an awm leh a, anni nen hian Maha-ah hian hri kai 7,03,823 an awm tawh a ni. Enkawl dam pawh an tam tawh a, mi 5,14,790 lai chu dam leh tawh bawk. Mi 22,794 zet an thi tawh a, mi 1,66,239 chuan hri an la kai mek a ni.
Tamil Nadu-ah chuan hri kai 3,91,303 an awm tawh a, heng zinga 3,32,454 chu an dam leh tawh. Andhra Pradesh-ah pawh hri kai 3,71,639 an awm tawh a, heng zinga 2,78,247 chu an dam leh tawh bawk a ni.