Swine flu vanga thi an pung zel

Ramchhunga hri leng mek, swine flu (H1N1 flu) vanga thi an pung zel a, nimin thleng khan he hri vanga thi hi mi 812 an tling tawh a, a vei 13,000 an chuang tawh bawk.

Health Ministry-in chuan state drug controller tinte hnenah swine flu veite enkawlna tur damdawi-te chu damdawi dawrah a awm leh awm loh ngaihven turin a hrilh.

Swine flu tuar nasa zualte chu Rajasthan leh Gujarat an ni a, Rajasthan-ah hian swine flu vei finfiah tawh mi 4,318 an awm a, an zinga 212-in an thihpui tawh. Gujarat-ah pawh hri leng vang hian mi 10 an thih belh leh a, heng mite nen hian mi 207 in an thihpui tawh a ni.