FC-in central tax-a state chanpual tihpun a rawt

Finance Commission chuan central tax-a state chanpual 32% chu 42% a tihpun a rawt a, a rawtna hi sorkar laipui chuan a pawmsak nghal a ni. He rawtna hi kum nga chhung, kum 2015-16 aṭanga 2019-20 chhung atana tih a ni.

14th Finance Commission report-a rawtna siam ang chuan, kum 2014-2015 chhunga central tax-a state chanpual chu cheng vaibelchhe nuai 3.48 a ni ang a, 2015-15 ah cheng vaibelchhe nuai 5.26 a ni ang.

"State-te chanpual hi tihsan a nih chuan sum chungchangah thuneihna sang zawk neiin, scheme pawh an mamawh dan ang a zirin an siam thei dawn a ni," tiin report chuan a tarlang.

Hetihlai hian YV Reddy kaihhruai commission-a part time member Abhijit Sen chuan rawtna siam hi a thlawp lo a, a kum khatnaah chuan 38% ah tihsan a duh a ni.

Kum 2015-20 chhunga state hrang hrangte sum lakluh leh hmanchhuah dan turte zirin, commissoin chuan state 11-te sum indaihlohna phuhrukna atan cheng vaibelchhe 1.94 dah a rawt bawk.