J&K-ah BJP-PDP ṭangrual sorkar a ding dawn ta

25th February, 2015

Hun rei tak thawhdun dan kawng zawnga an inbiak hnuin, BJP leh PDP chuan Jammu and Kashmir-a ṭangrual sorkar din turin inremna an siam thei ta a, March 1 hian sorkar thar lakluh a ni ang.

Nikum December-a state assembly inthlan neihah PDP hi party mala seat la hnem ber niin, BJP hian a dawt a ni.

BJP-PDP ṭangrual sorkarah hian PDP hruaitu Mufti Mohammad Sayeed chu chief minister a ni ang a, deputy CM post chu BJP lamin an chang ang. Party pahnihte hian minister paruk ve ve an nei bawk ang.

March 1, Pathianni hian sorkar thar lakluh a ni ang a, he hun hi Prime Minister Narendra Modi pawhin a hmanpui dawn a ni.