MP Governor lakah FIR thehlut

Special Task Force chuan Madhya Pradesh Professional Examination Board (MPPEB) in sorkar hna a lak dana thil dik lo awm kaihhnawihah nimin khan state Governor Ram Naresh Yadav-a lakah FIR a thehlut.

Nikum December 18 khan State Technical Education Minister Laxmikant Sharma leh midang 129-te chu MPPEB-in Grade II leh III Contractual Teacher a laknaa dik lo taka thiltihnaa inhnamhnawiha puh an ni a, an lakah FIR theh­luh a ni.

State recruitment board in hna a lak dana thil dik lo tak a awm nia puhin, eptute chuan Madhya Pradesh Chief Minister Shivraj Singh Chouhan chu bang tur­in an phut. Mahse CM chuan eptu pawlte chuan dawt an thehdarh niin a sawi thung a, "MPPEB in hna 3,58,490 a lak thar zingah 228-ah chauh thil fel tawk lo awm hi hmuh a ni," a ti. Thil dik lo awm­te chu eptute hai­chhuah ni loin, amah hmuhchhuah a nih thu CM chuan a sawi bawk.