1975 Emergency kha India tana ni duhawm loh ber a ni : Modi

Prime Minister Narendra Modi-a'n thla tina radio-a programme a neihna ṭhin 'Mann Ki Baat'-ah thusawi lehin, "1975-a Emergency puan chu India-in hun a tawn tawh zinga hun harsa leh khirh ber a ni" a ti. Emergency puan a nih lai hian India mipuite chuan harsatna nasa tak an tawk a, chanchinbu leh news reng reng chu rorel laite remtihna leh phalna lo chuan mipui hriatah puanzar phal a ni lo. Roreltute rorel dan sawisel phal a ni lo a, media zawng zawng chu an thunun vek bawk a ni a ti.

Kejriwal chuan Prime Minister Narendra Modi hian Delhi-ah mi man, inrunna, thubuai ziahluh leh thil dangte hmangin emergency a puang a ni a ti a, he mi chhanna nia ngaih theihin Prime Minister Narendra Modi chuan 1975 Emergency chu a sawi chhuak niin mi tam tak chuan an ngai. Modi chuan June 25, 1975 kha India ram tan chuan ni chhinchhiah tlak loh ber te zinga mi a ni a ti a, mipuite chu thah an ni a, India ram chu jail-ah a chang a ni a ti. Democracy chu India chakna hnar a ni a, vawn nun reng a ngai a ni a ti. Kum 1975 aṭang 1977 chhung khan khatihlai prime minister Indira Gandhi chuan India ramah emergency a puang a ni.

Aam Aadmi Party MLA Dinesh Mohaniya chu Inrinni khan man a ni a, hmeichhe lak mawi lo takin a che nia hriat a ni. He thil thlen hnu lawk hian Modi chuan Delhi-ah hian emergency a puang a, AAP MLA lakah hian thubuai ziahluh nghal a ni. Dinesh Mohaniya hi press conference neih laiin man a ni. Delhi Police te chuan MLA lak hian thubuai an ziak lut nghal. Rakesh Kumar chuan Zirtawpni khan Mohaniya lakah hian thubuai a ziaklut bawk. Dinesh Mohaniya hi judicial custody-ah ni 14 awm tura tih a ni a, Kejriwal chuan Prime Minister Narendra Modi hian Delhi-ah mi man, inrunna, thubuai ziahluh leh thil dangte hmangin emergency a puang a ni a ti.