India NSG member a ni thei rih lo

India-in Nuclear Suppliers Group (NSG) member ni tura nasa taka a beihna chu a hlawhtling rih dawn ta lo niin a lang a, Prime minister Naredra Modi chuan beidawn mai a tum loh thu a sawi.

NSG-ah hian member ram 48 an awm mek a, India chuan member nih tumin bei mah se China leh ram ṭhenkhat chuan an dodal a ni. Tunkar Zirtawp hian NSG plenary meeting chu Seoul-ah neih a ni dawn a, India-in member ni tura a dilna chu ngaihtuah a ni dawn ta lo a ni. Dodaltu lam chuan India hi Nuclear non-Proliferation Treaty (NPT) member a nih loh avangin NSG member a ni thei lo a ni an ti. NSG plenary meeting hi nakum-ah Seoul-ah vek hian neih leh a ni dawn a, he hunah hian prime minister chuan member ni tura ngawrh zawka beih leh a nih tur thu a sawi.

Prime Minister Narendra Modi chuan China President Xi Jinping chu Shanghai Cooperation Organisation summit Tashkent-a neih a hmanpui ṭumin he mi chungchang hi a sawipui a ni.