RBI governor ni thei tur hming puan a ni

Reserve Bank of India Governor ni lai Raghuram Rajan term chu September 4 hian a tawp dawn a, amah thlaktu tur an inrinsiak mek.

Raghuram Rajan thlak tura rin kai zingah hian Urjit Patel leh Arundhati Bhattacharya te hming chu sawi rik zin pawl an ni a, Subir Gokar leh Rakesh Mohan te hming pawh a ri nawk mai. Dr Rajan hi RBI search committee-ah a tel zui dawn nia hriat a ni.

Reserve Bank of India Governor ni thei tur hian sorkar laipui chuan mi pali a chhawp chhuak dawn niin official chuan a tarlang a, Monetary Policy Committee pawh ruat fel a ni thuai dawn a ni. RBI Governor Raghuram Rajan chuan a hna chelh lai chu September-ah tawp dawn mah se thawh chhunzawm tumna a neih loh thu a sawi tawh. India hi khawvela economy ṭhang chak berte zinga mi a ni a, Asia bikah chuan economy lian ber pathumna a ni mek a ni. RBI hian nasa takin India economy a nghawng avangin Governor thar lak tur hian ngaihven a hlawh hle.

Sorkar official chuan, Rajan thlak thei tura hming tarlan pali zinga pathum te chu central bank veteran an ni a, India rama commercial bank lian tak taka lo thawk tawh ṭhin te an ni a ti. Hming chhawp chhuah te chu RBI Deputy Governor ni lai Urjit Patel, deputy governor hlui Rakesh Mohan leh Subir Gokarn bakah State Bank of India Chairman ni lai Arundhati Bhattacharya te an ni.

Prime Minister Naren-dra Modi office chuan, "Rajan hian search committee a zawm nghal beisei a ni" a ti a, "Ani kaihhruaina hian member paruk awmna tur RBI Monetary Policy Committee din a ni ang," a ti.

MPC hi August 1-ah din a ni ang a, member pathum te hi RBI mi leh saa mi ruat an ni dawn a, external member dang pathum te chu search committee-in a ruat dawn a ni. Search committee-ah hian Prime minister, cabinet secretary, RBI governor, finance mi-nistry, department of eco-nomic affair leh expert pathum sorkar-in a ruatte an tel dawn a ni.