Telangana state-in high court hran neih phut

Telangana Chief Minister K Chandrasekhar Rao chuan an state-in high court a neih theih nan hmalak mek a nih thu a sawi.

Kum 2014 khan Telangana hi state-ah puan a ni a, Andhra Pradesh aṭangin a indang a ni. K Chandrasekhar Rao chuan Hyderabad High Court chu
ṭhendarh a, High Court hran din a ṭul thu a sawi. High Court hran din a nih theih nan hian vawi 10 chuang Prime Minister a biak tawh thu chief minister chuan a sawi. Hetih lai hian sorkar laipui aṭanga chhanna duhawm an la dawn loh thu sawiin, sorkar chuan Chief Minister Chandrababu Naidu-a kaihhruai Andhra Pradesh chu a thlawp zawk a ni a ti. Kar kalta khan Telangana-a judge 100 chuang zet te chuan Hyderabad-ah kawng an zawh a, high court hnaruakah Andhra Pradesh judicial officer te lak an ni an ti a, Judge te hian an hna aṭanga an ban mai theih thu an sawi.